ویکسین نہ لگوانے والوں کی سمز بلاک, دفاتر اور ریسٹورینٹس میں داخلے پر پابندی

این سی او سی کی جانب سے ماس ویکسینشن مہم کے تحت جہاں ایک طرف ویکسین لگوانے والوں کو مختلف مراعات دینے کا فیصلہ کیا گیا ہے وہیں دوسری جانب سے ویکسین نہ لگوانے والوں کے خلاف بھی شکنجہ تیار کیا گیا ہے, وفاقی حکومت نے ویکسی نیشن نہ کرانے والوں کیخلاف سخت اقدامات پرغور شروع کردیا۔

ذرائع کے مطابق 18 سال سے زائد عمر کے افراد کے ویکسی نیشن سرٹیفکیٹ بھی چیک کرنے کی تجویز دی گئی ہے۔

ذرائع کا کہناہے کہ ویکسین نہ لگوانے والوں کےدفاتر اور ریسٹورینٹس میں داخلوں پرپابندی کی تجویز ہے جب کہ ایسے افراد کی موبائل سمز بھی بلاک کرنے کی تجویز دی گئی ہے۔

ذرائع کے مطابق ویکسی نیشن نہ کرانے والوں کے لیے یہ تجاویز وفاقی کابینہ کے آئندہ اجلاس میں زیر غور آئیں گی جس میں وزیراعظم اور کابینہ کی منظوری سے حتمی فیصلہ ہوگا۔

اپنا تبصرہ بھیجیں