نو مسلم جرمن یوٹیوبر اور پاکستانی اداکارہ زویا ناصر کی شادی تقریبات کا آغاز

حال ہی میں اسلام قبول کرنے والے جرمن یوٹیوبر کرسٹن بیٹزمین اور اداکارہ زویا ناصر کی شادی کی تقریبات کا آغاز ہوگیا ہے۔

زویا اور کرسٹنن بیٹزمین کی شادی کی تقریبات کا آغاز یوٹیوبر شاہ ویر جعفری کی دی گئی’ سرپرائز ڈھولکی ‘ کی تقریب سے ہوا۔

حال ہی میں شاہ ویر جعفری کی جانب سے اپنے گھر پر دیرینہ دوست زویا ناصر اور کرسٹن بیٹزمین کے لیے سرپرائز ڈھولکی کی تقریب کا انعقاد کیا گیا۔

میڈیا رپورٹس کے مطابق کورونا ایس او پیز کے پیش نظر ڈھولکی کی تقریب خاص لوگوں پر ہی مشتمل رہی۔,

ڈھولکی کی تصاویر زویا ناصر اور جرمن یوٹیوبر کرسٹن بیٹزمین دونوں کی جانب سے انسٹاگرام اکاؤنٹس پر بھی شیئر کی گئیں۔

دوسری جانب زویا ناصرنے اپنی پہلی ڈھولکی پر سیاہ رنگ کا خوبصورت لباس زیب تن کیا جب کہ اُن کے منگیتر نے کرتا شلوار کے ہمراہ زویا کے لباس سے ملتے جلتے رنگ کی ویسکوٹ کا انتخاب کیا۔

خیال رہے کہ حال ہی میں معروف جرمن وی لاگر اور یوٹیوبر کرسٹن بیٹزمین نے اسلام قبول کرتے ہوئے اسلام کو امن پسند مذہب قراردیا تھا۔

اپنا تبصرہ بھیجیں