صوبائی حکومت کا سرکاری دفاتر کے لیے پرانے اوقات کار بحال کرنے کا اعلان

خیبر پختونخوا حکومت نے سرکاری دفاتر کے لیے اوقات کار جاری کر دیے۔

تفصیلات کے مطابق ملک میں کرونا وائرس وبا کے پھیلاؤ میں بتدریج کمی کے پیش نظر سرکاری دفتروں کے اوقات کار بحال کر دیے گئے۔خیبر پختونخوا حکومت کے مطابق ہفتے میں 5 دن والے دفاتر صبح 9 بجے سے شام 5 بجے تک کھلیں گے۔

صوبائی حکومت کی جانب سے جاری اعلامیے میں کہا گیا ہے کہ جمعہ کے روز سرکاری دفاتر میں نماز جمعہ کے لیے 30 منٹ کا وقفہ ہوگا۔

اعلامیے کے مطابق ہفتے میں 6 دن کھلے رہنے والے دفاتر صبح 9 سے شام 4 بجے تک کھلیں گے،6 دن والے دفاتر جمعہ کو صبح 9 بجے سے دوپہر 1 بجے تک کھلیں گے۔

اس سے قبل 30 جولائی کو وفاقی حکومت نے عید الاضحیٰ کے بعد دفاتر کے پرانے اوقات کار بحال کرنے کا اعلان کیا تھا۔

اسٹیبلشمنٹ ڈویژن کی جانب سے جاری نوٹیفکیشن میں کہا گیا تھا کہ وفاقی حکومت کے ماتحت سرکاری دفاتر صبح 9 سے شام 5 بجے تک کھلیں گے۔

اپنا تبصرہ بھیجیں