تربیتی مشق کے دوران حادثے میں ایک امریکی میرین ہلاک،8 لاپتہ

امریکا میں کیلی فورنیا کے ساحل سے کچھ فاصلے پر تربیتی مشق کے دوران حادثے کے نتیجے میں ایک امریکی میرین ہلاک اور 2 زخمی ہو گئے جب کہ 8 لاپتہ ہیں۔

امریکی میرینز کور کے مطابق حادثہ سان کلیمینٹ جزیرے کے قریب پیش آیا جہاں معمول کی تربیتی مشق جاری تھی۔ 

حکام کے مطابق حادثے میں ایک امریکی میرین ہلاک جب کہ کم از کم 2 افراد زخمی ہوئے جنہیں جنوبی کیلی فورنیا کے اسپتالوں میں منتقل کر  دیا گیا ہے۔

 تربیتی مشق کے دوران حادثے میں 2 زخمی ہونے والوں میں سے ایک کی حالت نازک بتائی جا رہی ہے۔ 

امریکی بحریہ اور کوسٹ گارڈ کی مدد سے لاپتہ افراد کی تلاش اور بچاؤ کی کوششیں جاری ہیں جب کہ حادثے کی تفتیش بھی شروع کر دی گئی ہے

اپنا تبصرہ بھیجیں