ویسٹ انڈیز اور انگلینڈ ٹیسٹ کا پہلا دن بارش کی نذر

انگلینڈ اور ویسٹ انڈیز کے درمیان جاری پہلے ٹیسٹ میچ کے پہلے دن کا کھیل آغاز کے کچھ دیر ہی بعد بارش کی نذر ہو گیا۔

ساؤتھمپٹن میں جاری ٹیسٹ سیریز کے پہلے میچ میں انگلینڈ نے ٹاس جیت کر بیٹنگ کا فیصلہ کیا، ابھی میچ میں 17 اعشاریہ 4 اوور ہوئے تھے کہ بارش کے باعث کھیل کو روکنا پڑا۔

انگلینڈ نے 17 اعشاریہ 4 اوور میں ایک کھلاڑی کے نقصان پر 35 اسکور بنالیا ہے، انگلینڈ کے اوپنر بیسٹمین ڈومنیک سبلے کوئی رنر بنائے بغیر ہی آؤٹ ہوگئے۔

واضح رہے کہ کورونا وائرس کے سبب چار ماہ پانچ دن کے بعد انگلینڈ اور ویسٹ انڈیز کے کرکٹرز سیریز کے پہلے ٹیسٹ میں آمنے سامنے ہیں۔

انگلینڈ اور ویسٹ انڈیز کے درمیان ٹیسٹ میچ کے آغاز میں ہی کپتان ایس او پیز بھول گئے اور ٹاس کے موقع پر ہاتھ ملانے کی کوشش کی۔ میچ میں بلیک لائیوز میٹر مہم سے اظہارِ یکجہتی بھی کیا گیا۔

اپنا تبصرہ بھیجیں